Elordada Pfizer preparatyn alýǵa jatatyn kontıngenttiń 8,6 myńnan astamy egildi. Vaksınasııadan ótkender arasynda birinshi orynda jasóspirimder – 12 jastan asqan 5 900-ge jýyq bala tur, dep habarlaıdy Egemen.kz.
Qalalyq qoǵamdyq densaýlyq saqtaý basqarmasy oqýshylardyń medısınalyq uıymdarda da, bilim berý mekemeleriniń medısınalyq pýnktterinde de belsendi vaksınasııalanatynyn habarlady.
«Odan keıin emizetin analar – 2 500-den astam, al júkti áıelder – 191 adam.
Jalpy qala boıynsha KVI-ǵa qarsy vaksınanyń birinshi komponentin 475 myńǵa jýyq azamat aldy, al 434 myńǵa jýyq turǵyn ımmýndaýdyń tolyq kýrsynan ótti.
Sondaı-aq, elordada komponentter arasyndaǵy ıntervalǵa sáıkes azamattardyń revaksınasııasy jalǵasýda. Osylaısha, qalada 1600-den astam adam qaıta egildi», delingen ákimdik habarlamasynda.