Taý atqyshtary

«Ońtústik» óńirlik qol­­­basshylyǵyna qaras­ty taý atqyshtary brıgadasynda ártúrli qyzmetter arasynda úzdik mamandardy anyqtaý baıqaýy aıaqtaldy. Bólimniń tájirıbeli ofı­serleri men kásipqoı serjanttarynan turatyn komıssııa úsh kún boıy kelisimshart boıynsha áskerı qyzmetshilerdiń arasynan neǵurlym saýatty mamandardy anyqtady. Úzdik maman ataǵyna áskerı bólimniń 55 áskerı qyzmetshisi qatysty. Baıqaý baǵdarlamasyna olardyń teorııalyq jáne tájirıbelik daǵdysyn tekserý engizildi. Taý atqyshtary brıgadasynyń serjanty – 58395 áskerı bólimi ser­janttyq qurammen jumys jó­nindegi bólimshe bastyǵy birin­shi synypty serjant Qýandyq Madııarov: – Baıqaýdyń basty tapsyr­masy – qatysýshylardyń jeke daıyndyǵyn tekserý negizinde mamandar men bólimshe koman­dır­leriniń áskerı-kásibı turǵydaǵy daıyndyǵyn anyqtaý, – dep atap ótti. Serjanttardyń kásibı daıarlyq erejelerine sáıkes baıqaý Qazaq­stan Qarýly Kúshteriniń jarǵylary, taktıkalyq-arnaıy jáne atys daıyndyǵy, dene tárbıesi, sap daıyndyǵy, jappaı qyryp-joıý qarýynan qorǵaný sabaqtary boıynsha júrgizildi. Barlyq pánderden synaq tapsyrý úshin kelisimshart boıynsha áskerı qyzmetshiler plasta, trenajerlik synyptarda ju­mys istep, polıgonǵa shyqty. Baı­qaý barysynda olar sport da­ıyndyǵy boıynsha synaq tapsyryp, jeke qarýdy buzyp jınaýdy júrgizdi. Qysqa merzim ishinde protıvogazdar men jalpy áskerı qorǵanysh kostıýmderin kııý­den, sap daıyndyǵynan tájirıbe­lik jáne teorııalyq bi­limderin kórsetti. – Biz bólimdegi granatatqysh, atqysh, pýlemetshi, mergen, saper, radıotelefonshy jáne kóptegen mamandyqtar arasynan úzdik maman­dardy anyqtadyq. Bıylǵy ja­ý­­yngerlik jarys «Kásipqoılyq – ar­mııa negizi» uranymen ótýde. Sol sebepti, olardyń búgingi je­­ńi­­si erteńgi jeńisteriniń bastaýy, – dep atap ótti taý atqyshtary brı­ga­dasynyń komandıri, podpolkovnık Qýanyshbek Úshtaev. «Egemen-aqparat».