Úkimet Úıinde QR Premer-Mınıstri Asqar Mamınniń jáne Mınıstrler Kabınetiniń tóraǵasy – Qyrǵyz Respýblıkasy Prezıdenti Ákimshiliginiń basshysy Aqylbek Japarovtyń qatysýymen Qyrǵyzstan men qazaqstandyq óndiristegi avtokólik quraldaryn satyp alý týraly memorandýmǵa qol qoıyldy, dep habarlaıdy Egemen.kz Rrimeminister.kz-ke silteme jasap.
Qujatqa QR Saýda jáne ıntegrasııa mınıstri Baqyt Sultanov, Qyrǵyz Respýblıkasynyń Ekonomıka jáne kommersııa mınıstri Danııar Amangeldıev, Bishkek qalasynyń meri Aıbek Djýnýshalıev pen «Allıýr» kompanııalar toby» AQ dırektorlar keńesiniń tóraǵasy Andreı Lavrentev qol qoıdy.
«Memorandým 2022 jyly Qyrǵyzstanǵa lızıng shartymen Qazaqstanda shyǵarylǵan Yutong markaly 1 myń birlik elektrli, gaz jáne dızelmen júretin avtobýstardy jáne 100 birlik arnaıy tehnıkany jetkizýdi kózdeıdi. Bul rette avtobýstar jolaýshylar kóligi qozǵalysyn dıspetcherlendirýdiń elektrondyq júıesimen jáne ONAY PAY jol aqysyn tóleýdiń avtomatty júıesimen jaraqtandyrylady», dep jazady Premer-Mınıstrdiń resmı aqparattyq resýrsy.