Qytaıdyń Tıanszın qalasynda COVID-19-dyń «omıkron» shtamyn juqtyrýdyń alǵashqy jaǵdaıy tirkeldi. Bul týraly dúısenbi kúni jarııalanǵan Aýrýlardy baqylaý jáne aldyn alý jónindegi mýnısıpaldyq ortalyqtyń habarlamasynda aıtylǵan, dep jazady Egemen.kz.
«Omıkron» shtamyn juqtyrǵan azamat shetelden kelgen. Aýrý sımptomsyz jalǵasýda, qazirgi kezde ol oqshaýlanǵan jáne arnaıy bólingen aýrýhanada em qabyldap jatyr. «Bul – qurlyqtyq Qytaıdaǵy omıkron shtamyn jutyrýdyń birinshi jaǵdaıy», delingen Tıanszın qalasynyń epıdemologııalyq shtabynyń habarlamasynda.
Qytaı megapolısiniń bıligi turǵyndardy COVID-19-dyń aldyn alý jáne baqylaý sharalaryn ustanýǵa, maska taǵýǵa, qoldy jıi jýýǵa jáne áleýmettik qashyqtyqty saqtaýǵa shaqyrady.
Tıanszın – Qytaıdyń ortalyq baǵynysyndaǵy qala, 13 mıllıonnan astam turǵyny bar. Ol el astanasy Beıjińnen 100 shaqyrym jerde ornalasqan.