Ekspozısııada – el tarıhy

– Qasterli Táýelsizdigimizdiń 30 jyldyǵy – qaıta jańǵyrǵan Qazaq memlekettiginiń, ata-ba­balarymyz ańsaǵan azat­tyq­tyń tuǵyry nyǵaıa túskenin áıgileıtin mańyzdy beles. Elimiz osy kezeńde álemdegi órkenıetti elder qatarynan kórindi. Tuńǵysh Prezıdent – Elbasy Nursultan Nazarbaev­tyń basshylyǵymen memle­ketimizdiń shekarasy she­gen­delip, bılik júıesi qa­lyp­­tas­ty. Ulttyq valıýtamyz aı­na­lym­ǵa endi. Qýatty Qa­rýly Kúshter quryldy. Ata Za­­ńy­myz qabyldandy, shetel­der­men dıp­lomatııalyq qarym-qa­tynas ornady. Elimiz bedeldi halyqaralyq uıymdarǵa múshe boldy. «Qazaqstan – 2030», «Qa­zaqstan – 2050» stra­te­gııa­lyq baǵdar­lamalary qa­byl­danyp, ekono­mıkasy ozyq otyz eldiń qa­taryna qosylýdy meje­le­dik, – dedi Mahambet Dosmuhambetov.

Ákimniń aıtýynsha, táýelsiz memlekettiń qalyptasýy men nyǵaıý tarıhynan syr shertetin materıaldardy toǵystyrǵan, Elbasynyń ómir jolyn baıan­daıtyn tarıhı derekter men qaıratkerlik qyryn kór­se­tetin muraǵat qujattary top­­­tastyrylǵan «Elbasy jáne Táýelsiz Qazaqstan tarı­hy» ekspozısııa zalynyń m­a­­­ńyzy erekshe. Sondaı-aq Táýel­sizdiktiń 30 jyldyǵyn me­rekeleý aıasynda ashylǵan «Ulyq Ulys – Altyn Orda» zaly­nyń jas býyndy otanshyl­dyq rýhta tárbıeleýge tıgizer yqpaly zor bolmaq.

Memleket tarıhy ınstı­týtynyń dırektory, tarıh ǵy­lymdarynyń doktory, professor Erkin Ábildiń pikirine súıensek, ekspozısııalyq zaldardy tarıhı sanany jańǵyrtý jolyndaǵy kezekti qadam dep aıtýǵa bolady. Mýzeı – tarıhı jádigerlerdi saqtaý ǵana emes, óskeleń urpaqqa ata-baba­myzdan qalǵan muralar arqyly tálim-tárbıe berýge arnalǵan úlken áleýmettik nysan. Sondyqtan el tarıhynan syr shertetin mundaı  ekspozısııalyq jádigerler kóp­shilik arasynda kóbirek nası­hattalýy kerek. О́ıtkeni ujymdyq tarıhı jadymyzdy qalyp­tastyrý arqyly ulttyq sanamyzdy jańǵyrta alamyz.

Atyraý oblysy