Qazir Almatyda AITV juqtyrǵan adamdardan týberkýlezdi anyqtaýdyń jańa ádisi engizilip jatqanyn baıandamas buryn, aldaǵy 29 jeltoqsannan bastap Reseıge 90 kúnnen artyq saparlaǵan qazaqstandyqtar esirtkige táýeldi emes ekendigi men túrli juqpaly aýrýlardan, onyń ishinde AITV-dan ada ekenin aıǵaqtaıtyn anyqtama qaǵazyn alýy tıis.
Al Qazaqstanda alǵash ret qanatqaqty rejimde AITV-men ómir súretin adamdarda týberkýlezdi erte dıagnostıkalaýdyń jańa ádisin engizý bastaldy.
Almaty qalasynyń JITS aldyn alý jáne oǵan qarsy kúres ortalyǵynda AITV indetin baqylaý jónindegi Almaty modeli jobasynyń qoldaýymen arnaýly LAM TB testisin paıdalana otyryp, Adam ımmýntapshylyǵy vırýsymen ómir súretin adamdardan týberkýlezdi erte dıagnostıkalaý iske asyp otyr. Bul ádisti DDU baıqalmaıtyn klınıkalyq kórinisi bar pasıentterde ókpe jáne ókpeden tys týberkýlezdi erte dıagnostıkalaýdyń qosymsha ádisi retinde usynady.
«Týberkýlezdi erte dıagnostıkalaý jáne ýaqtyly emdeý AITV-ahýaldy adamdardyń ómirin uzartyp, densaýlyǵyn saqtaýǵa múmkindik beredi. О́ıtkeni AITV-ınfeksııasy – týberkýlezdi órshitetin eń kúshti, qaýipti faktor ǵana emes, osy vırýsty juqtyrǵandardy ajaly jetpeı, topyraqqa jeteleıtin basty sebeptiń biri», deıdi JITS aldyn alý jáne oǵan qarsy kúres ortalyqtyń bas dárigeri Marat Tókeev.
Lıpoarabınomannan (LAM) zár analızine arnalǵan synaq jolaqtary TB-ny AО́SA arasynda jáne AITV damýynyń kesh satysynda dıagnoz qoıýǵa múmkindik beredi. Bul testerdi qoldaný ońaı ári tegin. Dıagnostıkanyń jańa ádisiniń taǵy bir artyqshylyǵy – AITV-men aýyratyn naýqastardyń qaqyryǵynda bakterııalyq aýyrtpalyq az bolatyndyqtan, bul mıkroskopııanyń teris nátıjeleriniń jıiliginiń joǵarylaýyna ákeledi.
Osy bastamaǵa oraı, JITS ortalyǵynyń medısına qyzmetkerleri arnaıy oqýdan ótip, TB LAM testilerin qoldanýdyń algorıtmderi men nusqaýlyqtary kelisilip, bekitildi.
2021 jyldyń birinshi qarashasyndaǵy resmı derekterge sáıkes, Almaty qalasynyń JITS ortalyǵynda AITV-men ómir súretin 3 810 adam esepte tur.
ALMATY