Aldaǵy jyly Teńiz kenishindegi jobadan 39 myń jumys orny qysqarady, dep jazady Egemen.kz.
Oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Erkebulan Ábilqasymovtyń málimetinshe, Teńiz ken ornyndaǵy «Keleshek keńeıý» jobasynyń aıaqtalýyna baılanysty 39 myń jumys ornyn qysqartý josparlanyp otyr.
«Bul jobada jumys isteıtinderdiń jartysyna jýyǵy – jergilikti turǵyndar. 2022 jyldyń birinshi toqsanynda 7 myń adam qysqarady. Jumystan qysqarǵan adamdardy memlekettik baǵdarlamalarǵa tartý jospary bar. Memlekettik baǵdarlamalar arqyly 12 myńǵa jýyq adamdy jumyspen qamtý josparlanyp otyr. Munaı-hımııa kesheni salasynda atqarylatyn ınvestısııalyq jobalardyń qurylys jumystaryna 20 myńǵa jýyq halyqty jumyspen qamtylady», dedi Erkebulan Ábilqasymov
Osyǵan oraı «Teńizshevroıl» JShS-niń baspasóz qyzmeti túsinik berdi.
«Qazir Teńiz kenishindegi Keleshek keńeıý jáne Uńǵy erneýindegi qysymdy basqarý jobasyn (KKJ-UEQBJ) júzege asyrý jalǵasyp jatyr. Osy kezge deıin joba jumystarynyń 87%-y aıaqtaldy. Bekitilgen josparǵa sáıkes jobadan bosatylǵan jumys kúshin kezeń-kezeńimen shyǵarý kútilip otyr. Osyǵan baılanysty «Teńizshevroıl» JShS Atyraý oblysynyń ákimdigimen, Energetıka jáne Eńbek jáne halyqty áleýmettik qorǵaý mınıstrlikterimen birlesip KKJ-UEQB jobasyna tartylǵan qyzmetkerlerdiń josparly bosatylýyna monıtorıng júrgizip jatyr. Kompanııa atalǵan jobany iske asyrý kezinde suranysqa ıe jumysshy mamandyǵyn ıgerý úshin 19 myńnan astam adamdy oqytýǵa jáne qaıta oqytýǵa ınvestısııa saldy. Endi olar Qazaqstanda jáne shetelderdegi basqa ónerkásiptik jobalarda tájirıbesi men bilimin qoldana alady», dep málim etti kompanııanyń baspasóz qyzmetinen.