40 jastaǵy Nurbol Nursaǵatov Prezıdent Ákimshiliginiń jáne qalalyq máslıhat depýtattarynyń kelisimi boıynsha Almaty aýdanynyń ákimi bolyp taǵaıyndaldy.
Ol 2004-2005 jyldary Indýstrııa jáne saýda mınıstrligi Qurylys komıtetiniń jetekshi mamany, bas mamany bolyp jumys istedi.
2005 jyldan 2008 jylǵa deıin Astana qalasy ákimdiginiń memlekettik sáýlet-qurylys baqylaý basqarmasynyń bas mamany, bólim basshysy, dırektordyń orynbasary bolyp eńbek etken.
2008-2011 jyldary Astana qalasy ákimdiginiń qurylys basqarmasy basshysynyń orynbasary boldy.
2011-2012 jyldary Aýyl sharýashylyǵy mınıstrliginiń Sý resýrstary komıteti tóraǵasynyń orynbasary qyzmetin atqardy.
2014-2019 jyldar aralyǵynda Nurbol Nursaǵatov ShQO ákimdiginiń Kólik jáne avtomobıl joldary basqarmasynyń, Almaty qalasy ákimdiginiń qurylys basqarmasynyń jáne Nur-Sultan qalasy ákimdiginiń Qorshaǵan ortany qorǵaý basqarmasynyń basshysy bolyp jumys istedi.
Sońǵy eki jylda Baıqońyr aýdanynyń ákimi bolyp jumys istedi.
Nurbol Nursaǵatov merıtokratııa qaǵıdatyna sáıkes jetekshi mamannan aýdan ákimine deıingi joldan ótken. Memlekettik qyzmettegi jalpy eńbek ótili - 17 jyl.
QR PÁ jáne qalalyq máslıhat depýtattarynyń kelisimi boıynsha Baıqońyr aýdanynyń ákimi bolyp 43 jastaǵy Erlan Jaýlybaev taǵaıyndaldy.
Ol taǵaıyndalǵanǵa deıin úsh jyl boıy Baıqońyr aýdany ákiminiń orynbasary qyzmetin atqardy.
Eńbek jolyn 2001 jyly Qostanaı Bıznes jáne quqyq kolledjiniń zerthanashysy laýazymynan bastaǵan.
2004-2005 jyldary Qostanaı oblysy ákimi apparatynyń bas mamany.
2005-2011 jyldary Qostanaı oblysynyń jumyldyrý daıyndyǵy jáne TJ basqarmasynda, Astana qalasynyń Jumyldyrý daıyndyǵy jáne TJ basqarmasynda bas maman bolyp jumys istedi.
Sondaı-aq ár jyldary Qostanaı oblysy Jitiqara aýdany ákiminiń orynbasary, Qostanaı oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasy memlekettik mekemesiniń basshysy qyzmetterin atqardy.
2017-2018 jyldary Aqtóbe oblysy ákimi apparaty basshysynyń orynbasary.
2018-2021 jyldary Nur-Sultandaǵy Baıqońyr aýdany ákiminiń orynbasary qyzmetin atqarǵan. Jalpy eńbek ótili 20 jyldan asady.
Elorda ákimi Altaı Kólginov aýdan ákimderi men orynbasarlarynyń aldyna birqatar mindetter qoıdy.