Taldyqorǵan qalalyq kópsalaly aýrýhanada halyqaralyq deńgeıde alǵash ret sheberlik klassy ótti. Kópsalaly aýrýhanada medısına ǵylymdarynyń kandıdaty Danııar Jaqypovtyń qatysýymen laparoskopııalyq gısterektomııa, promontofıksasııa, konservatıvti mıomektomııa operasııasy jasaldy, dep habarlaıdy Egemen.kz.
Ota jasaý sáti biriktirilgen operasııalyq bólmede Máskeý, Mınsk, Baký qalalaryndaǵy dárigerlerdiń onlaın qatysýymen ótti. Sonymen qatar «OR1 FEST» endohırýrgııalyq onlaın jáne oflaın kongresi aıasynda uıymdastyrylǵan halyqaralyq master-klass Aqtaý, Nur-sultan, Almaty, Taldyqorǵan, Máskeý, Mınsk, Baký qalalarynda ótti. Operasııa OR1 biriktirilgen operasııalyq bólmede tikeleı efırde translıasııalandy.
«Operasııa kezinde hırýrgtar, gınekologtar óz tájirıbelerimen bólisip, biriktirilgen operasııalyq bólmelerde jumys isteýdiń múmkindikteri men artyqshylyqtary týraly aıtty. Bundaı tájirıbe dárigerlerdiń biliktiligin arttyryp, hırýrgtar men gınekologtardyń jańa deńgeıde ota jasaýyna múmkindik beredi. Bul aýrýhananyń operasııa bólmeleri barlyq qajetti jabdyqtarmen jabdyqtalǵan», dedi Taldyqorǵan qalalyq kópsalaly aýrýhananyń dırektory Moldakýlov Jumahan Muqashuly.
Aıtpaqshy, «OR1 FEST» endohırýrgııalyq onlaın jáne oflaın kongresi Aqtaý qalasyndaǵy oblystyq perınataldyq ortalyǵynda OR1 biriktirilgen operasııalyq júıesiniń ashylǵanyna 10 jyl tolýyna oraı uıymdastyrylǵan bolatyn.