«Prommashkomlekt» JShS óndiristi jańǵyrtýdy aıaqtady, dep habarlaıdy Egemen.kz.
Bul týraly Ekibastuz qalasynyń ákimi Ardaq Qańtarbaev О́ńirlik kommýnıkasııalar qyzmetinde «Ekibastuz qalasynyń áleýmettik-ekonomıkalyq damýy» taqyrybynda ótken baspasóz konferensııasynda aıtty.
Bıyl «FerroTransTreıd» JShS serpimdi klemmalary men relstik bekitkishterine arnalǵan jol burandasyn shyǵaratyn zaýyt iske qosylady. «Prommashkomlekt» JShS óndiristi jańǵyrtýdy aıaqtady. Bul zaýyttyń óndiristik qýatyn arttyryp, jylyna 300 myń temirjol dóńgelegin shyǵarýǵa múmkindik beredi. Ákimniń aıtýynsha, jańa segiz óndiristi iske asyrý úshin áleýetti ınvestorlar bar. Aǵymdaǵy jyly ferroqorytpalar óndirisi boıynsha metallýrgııa salasyna «Fesil GROUP», «Mineral Product» jáne «EkibastuzFerroAlloys» jobalary tartyldy.
«Jalpy keshendi jospardy iske asyrý qorytyndysy boıynsha 2025 jylǵa qaraı ekonomıkanyń OEK-ke táýeldiligin 12,1%-ǵa tómendetip, negizgi kapıtalǵa salynǵan ınvestısııalar somasy 737 mlrd teńgeni quraıtyn bolady. Shaǵyn jáne orta bıznes sýbektilerine memlekettik qoldaý sharalaryn usyný sheńberinde jumys istep turǵan sýbektilerdiń sanyn 8,5-ten 10,0 myń birlikke deıin ulǵaıtý josparlanýda», dedi Ardaq Qańtarbaev.
Eske sala keteıik, qarasha aıynda Prezıdent Qasym-Jomart Toqaev Ekibastuzǵa jumys sapary barysynda serpindi klemmalar men burandalar shyǵaratyn «Ferrotranstreıd» zaýytyn iske qosqan bolatyn.