AIBA endi álem chempıonaty men qurlyqtyq jarysta top jarǵan boksshylarǵa úlestiriletin syıaqy kólemin eki esege arttyrady. Bul týraly ulttyq quramanyń bas bapkeri Qaırat Sátjanov aıtty, dep habarlaıdy Egemen.kz sports.kz-kesilteme jasap.
«Sońǵy álem chempıonatynda óz salmaǵynda chempıon atanǵan boksshyǵa 100 myń dollar kóleminde syıaqy berilgeninen habardarsyzdar. Endi uıym Azııa jáne Eýropa chempıonatynda júlde alǵan sportshylarǵa da qarjylaı syıaqy taǵaıyndaıtyn bolady. Syıaqy kólemi jyl ótken saıyn arta túspek. Aldaǵy álem chempıonatynda top jarǵan boksshy bıylǵydaı 100 myń emes, 200 myń dollar tabys tabady», deıdi ulttyq quramanyń bas bapkeri.