Mańǵystaý oblysynyń ákimi Nurlan Noǵaev Jańaózen qalasynda suıytylǵan gaz baǵasyn tómendetýdi talap etken avtokólik ıelerimen kezdesti, dep habarlaıdy Egemen.kz Mańǵystaý oblysy ákiminiń baspasóz qyzmetine silteme jasap.
Nurlan Noǵaev jınalǵandarǵa Memleket basshysy Qasym-Jomart Toqaevtyń tapsyrmasy boıynsha suıytylǵan gaz baǵasyn belgileýge qatysty Úkimet qabyldaǵan sharalardy túsindirdi.
Úkimet suıytylǵan munaı gazynyń baǵasyn retteý jónindegi sharalar paketin iske asyratyn bolady. О́ńir basshysy bıznestiń áleýmettik jaýapkershiligi aıasynda gaz qunyn lıtrine 120 teńgeden 85-90 teńgege deıin tómendetý týraly sheshim qabyldaǵanyn habarlady.
«Baǵa dálizderin belgileý jáne gaz baǵasynyń alypsatarlyq júıemen ósýine jol bermeý arqyly uzaq merzimdi baǵa turaqtylyǵyn qamtamasyz etý boıynsha júıeli sharalar júzege asyrylady», dedi Nurlan Noǵaev kezdesý barysynda.