Qazaqstandaǵy jappaı tártipsizdik kezinde elimizdegi bızneske keltirilgen shyǵyn 92,3 mlrd teńgeden asqany málim boldy, dep habarlaıdy Egemen.kz «Atameken» UKP baspasóz qyzmetine silteme jasap.
Baspasóz qyzmeti taratqan málimetterge zer salsaq: «9 qańtar, saǵat 09.00-degi jaǵdaı boıynsha, sall-ortalyqqa 2320 qońyraý kelip tústi. Onyń ishinde: tonaý máseleleri boıynsha – 1127, fors-major boıynsha – 26, blok-beketter boıynsha – 2, jeke tulǵalardyń qońyraýlary boıynsha – 1052 ótinish berildi. Elimizdiń 10 óńirinde 1351 obektide ornalasqan 1181 bıznes nysany zardap shekken. Onyń ishinde Almatyda – 1091 obektide ornalasqan 935 sýbekt bar», delingen.
Kásipkerler palatasynyń aqparatyna kóz júgirtsek: saýda salasynda – 1122; qoǵamdyq tamaqtandyrý salasynda – 17; qarjy sektorynda – 31, logıstıka salasynda – 8 nysan zardap shekken.
«Keltirilgen shyǵynnyń jalpy somasy 92,3 mlrd teńgeden asty. Almatydaǵy shyǵyn 90,7 mlrd teńge kóleminde», delingen habarlamada.