Qala ákimi Murat Áıtenovtiń tóraǵalyǵymen apparattyq májilis ótti. Onda salalyq basqarma basshylary osy jylǵa josparlanǵan áleýmettik jáne turǵyn úı qurylystary men jol, ınjenerlik-ınfraqurylym salý jumystary kestege saı júrgizilip jatqanyn atap ótti, dep jazady Egemen.kz.
Qala basshysy tótenshe jaǵdaı rejımin saqtaı otyryp, josparlanǵan qurylys jumystarynyń toqtap qalmaýy úshin sala mamandaryna qurylysshylarǵa qajetti kómek kórsetýdi tapsyrdy. Sonymen birge, barlyq kommýnaldyq jáne qyzmet kórsetý kásiporyndarynyń qalypty rejımde jumys isteýin qadaǵalaýdy aıtty.
Búginde megapolıstegi barlyq nysandar shtattyq rejımde jumys isteýde.
Shymkent qalasynda jaǵdaı turaqty. Tótenshe jaǵdaı rejımi qatań baqylaýda.
Qala bıligi Shymkent turǵyndary men qonaqtaryn tótenshe jaǵdaı kezinde zań buzýshylyqtarǵa jol bermeýge jáne kommendanttyq tártipti saqtaýǵa shaqyrady.