Syn saǵatta eshkim de, eshteńe de kózden tasa qalmaıdy. Jaqsylyq ta, jamandyq ta. Beıbit sherýdiń sońyn búlikke aınaldyryp, beıbit adamdardyń ómirine qaýip tóndirgen sodyrlardyń surapyl soqqysyn elimizdiń kúshtik qurylymdarynyń qatarynda shekarashylar da qarsy alyp, laıyqty toıtarys berdi. Táýelsiz Qazaqstan eliniń tynyshtyǵyn eshkimniń buzýǵa qaqysy joq ekenin kórsetti.
Jaýmen jaǵalasý kezinde jaralandy. «Jany – arynyń sadaǵasy». Qaza tapqan qos áriptesimizdi, bolashaq ofıser atanýǵa tıis bolǵan úsh shekarashy kýrsantty jer qoınyna arýlap tapsyrdyq. О́kinishti. Otanyna bergen anttaryna adaldyq tanytqan qarýlastarymyzdyń eń kishisi nebári 19 jasta bolatyn...
Jaralanǵan áskerı qyzmetshiler qazirgi kezde QR UQK Almaty qalasynda emhanasy bar óńirlik áskerı gospıtalinde em qabyldap jatyr. Dárigerlerdiń aıtýynsha, jaralanǵandardyń arasynda jaǵdaıy turaqty aýyrlary da bar.
– Almaty qalasynyń ishinde dúrbeleń bastalǵan sátte biz ózimizdiń aldaǵy qyzmetimizge tas-túıin daıyn boldyq, – deıdi atalǵan áskerı gospıtaldiń bastyǵy u.q. podpolkovnıgi Ánýar Ahmetjan bizben suhbatynda. Alǵashqy kúni-aq 80-ge tarta jaraly áskerı qyzmetshilerdi qabyldap, birden medısınalyq kómek kórsetýge kiristik. Olardyń ishinde kóbinese UQK Shekara akademııasynyń kýrsanttary, sondaı-aq Ishki ister jáne Qorǵanys mınıstrliginiń áskerı qyzmetshileri boldy.
Kelesi kúni de qarýly qaqtyǵys kezinde oq tıip, jaralanǵandar legi az bolǵan joq. Shuǵyl ota jasalyp, ómirlerin saqtap qala aldyq.
Barlyǵy 120-ǵa tarta jaraly kelip túsken bolatyn. Olardyń 80-nen astamy shekarashylar.
Búgingi tańda túrli dene jaraqatyn alǵan 75 áskerı qyzmetshi dárigerlerdiń jiti qadaǵalaýynda. Qalǵandary ambýlatorııalyq emderin úılerinde jalǵastyrady.
Qajetti dári-dármekter jetkilikti.
Búginde áskerı gospıtaldiń árbir sharshy metri UQK Shekara akademııasynyń qorǵaýynda.
Ánýar Dýlatyulymen bolǵan suhbattan keıin shekarashy ardagerlerdiń «Zastava tarlandary» respýblıkalyq qoǵamdyq birlestiginiń Almaty qalalyq jáne oblystyq fılıaldary alǵys, qurmet kórsetý maqsatynda uıymdastyrǵan sharaǵa qatystyq.
Atap aıtar bolsaq, zapastaǵy general-maıor M.Májıtov, zapastaǵy polkovnıkter: A.Dýbov, A.Gorıachko, S.Anısımovtar palatalarǵa kirip, jaraly áskerı qyzmetshilerdiń jaǵdaıyn bildi. Qyzmet atqarý kezinde kórsetken batyldyǵy men memleket múddesin qorǵaý barysynda jasaǵan erlikteri úshin alǵys aıtty.
Sańlaq sardarlardyń ózderi de Aýǵan soǵysyn bastarynan ótkerip, tájik-aýǵan shekarasynda qyzmet atqarǵan. Sondyqtan, lańkesterge qarsy turyp, naǵyz ot pen oqtyń ortasynan shyqqan áskerı qyzmetshilerdiń jaǵdaıyn surap, olardyń rýhyn kóterýdi ózderiniń azamattyń hám ar aldyndaǵy boryshtary sanaǵandary haq.
«Zastava tarlandary» respýblıkalyq qoǵamdyq uıymynyń Almaty qalalyq fılıalynyń tóraǵasy otstavkidegi general-maıor M.Májıtovtiń aıtýynsha, «Zastava tarlandary» respýblıkalyq qoǵamdyq birlestigi UQK Shekara qyzmetiniń qaza tapqan bes áskerı qyzmetshiniń otbasyna materıaldyq kómek retinde 100 myń teńgeden qarjy bóldi.
Ardagerler áskerı gospıtalǵa da qur qol kelgen joq. Jaralylarǵa shyryn, jemis, táttiler salynǵan paketterdi tabys etti.
Eske sala ketsek, otstavkidegi general-maıor T.Ýajanov basqaratyn «Zastava tarlandary» respýblıkalyq qoǵamdyq birlestigi «COVID-2019» indeti kezinde de Ulttyq qaýipsizdik komıtetiniń óńirdegi áskerı gospıtaldaryna múmkindiginshe sheftik kómekterin kórsetken bolatyn.
- Qajet bolsa, erikti jasaq quryp, ásem qalamyzdyń tynyshtyǵyn qorǵaýǵa daıarmyz, - deıdi Shekara qyzmetiniń ardageri Marat Álimjanuly Májıtov.
Iá, «Jaý jaǵadan alyp, bóri etekten tartqan» tar zamanǵa tap bolǵan elimiz úshin bul da bolsa qarlyǵashtyń qanatymen sý sepkendeı kómek.
T.DÁÝLETBAEVA.
Shekara qyzmetiniń zapastaǵy podpolkovnıgi