Almaty qalasynda bir táýlikte 3 387 adam koronavırýs vaksınasyn saldyrdy. Bul týraly qalalyq qoǵamdyq densaýlyq saqtaý basqarmasy málim etti, dep habarlaıdy Egemen.kz
«12 qańtar kúni 3 387 almatylyq vaksına saldyrdy. Vaksına saldyrǵandar sany boıynsha Almaty qalasy aldyńǵy orynda. Bıylǵy jyldyń 1 aqpany men 12 qańtar aralyǵynda qalada 1 053 444 turǵyn vaksınanyń birinshi komponentin, 1 017 659 adam ekinshi komponentin saldyrǵan. Onyń ishinde 123 472 adamnyń jasy 60-tan asqan», - dep habarlady basqarmadan. Búgingi tańda Pfizer (Comirnaty) kompanııasynyń ekpesin 31 977 adam saldyrdy. Onyń ishinde 1 761 júkti áıel, 6 498 bala emizetin ana jáne 23 718 jasóspirim bar.
Revaksınadan 73 271 almatylyq ótti. «Búgingi tańda qalada medısınalyq uıymdarda, mektepter men bazarlarda 132 vaksınasııa pýnkti jumys isteıdi. 201 vaksınasııa brıgadasynda 762 medısına qyzmetkeri jumyldyryldy» - dep atap ótti Almaty qalasy Qoǵamdyq densaýlyq basqarmasynyń baspasóz qyzmeti.