Bir kúnde Soltústik Qazaqstan oblysynda 4 jol-kólik oqıǵasy tirkeldi, dep habarlaıdy Egemen.kz.
Olardyń ekeýi tańerteń (17 qańtar) Qyzyljar aýdanynda bolǵan. Oqıǵa orny oblys ortalyǵynan alys emes. Polıseıler apatty qolaısyz aýa raıy jaǵdaıynda bolǵan dep sanaıdy.
«Jol nashar kóringen kezde ótip bara jatqan kólikti basyp ozýǵa bolmaıdy. Kerisinshe, jyldamdyqty azaıtý kerek. Aýa raıyn boljaıtyn mamandarǵa qulaq asyp, alys jolǵa shyqpaǵan jón», – dedi SQO Polısııa departamenti Jergilikti polısııa qyzmeti basqarmasynyń bastyǵy, polısııa podpolkovnıgi Aıdyn Baımatov.
О́kinishke qaraı, óńirde jol-kólik erejesine beı-jaı qaraıtyndar azaımaı otyr.
Máselen, Sátpaev kóshesindegi jaıaý júrginshiler ótkelinde Mercedes avtokóligi jaıaý júrginshini qaǵyp ketken. Zardap shekken er adam jedel járdemmen oblystyq aýrýhanaǵa jetkizildi.
Taǵy bir jol-kólik oqıǵasy Áýezov kóshesinde bolǵan. Saldarynan 5 avtokólik pen kóshe jaryǵynyń eki baǵany zaqymdandy. Buǵan ISUZU aýyr júk kóliginiń júrgizýshisi rólge ıe bola almaı qalýy sebep boldy. Onyń qarsy baǵytta kele jatqan kólikpen soqtyǵysqany anyqtaldy. Dál osy kezde jaqyn kele jatqan birneshe kólik te soǵylǵan.