Osy jyly fýtboldan Katarda ótetin álem chempıonatyna degen jankúıerlerdiń qyzyǵýshylyǵy zor. Olar bılet satylymǵa shyqqan alǵashqy kúnniń ózinde 1,2 mıllıon bılet alýǵa suranys jasaǵan, dep habarlaıdy Egemen.kz.
FIFA-nyń resmı saıtynda habarlaǵandaı, Katardan basqa, Argentına, Meksıka, AQSh, Birikken Arab Ámirlikteri, Anglııa, Úndistan, Saýd Arabııasy, Brazılııa jáne Fransııa eliniń fanattary ázirge belsendi. Sondaı-aq jankúıerler jarystyń ashylý oıynyna 80 myńnan astam bılet alýǵa nıetti bolsa, fınaldyq kezdesýdi kórýge 140 myńnan astam suranys túsken.
Sheteldik jankúıerler úshin bılettiń mınımaldy baǵasy 69 dollardy quraıtyny belgili boldy. Bul Reseıde ótken álem chempıonaty bıletiniń qunynan 36 dollarǵa arzan. Jalpy tórtinshi sanattaǵy eń arzan bıletter 11 dollardan satylymǵa shyqpaq. Ony tek katarlyq jankúıerler ǵana ala alady.