Almaty ákiminiń orynbasary Muhıt Ázirbaev qaladaǵy jappaı tártipsizdikter kezinde zardap shekken ǵımarattardy jóndeý jáne qalpyna keltirý jumystarynyń barysymen bólisti, dep habarlaıdy Egemen.kz.
Spıker megapolıste 291 ǵımarat, onyń ishinde 62 ákimshilik ǵımarat zardap shekkenin eske saldy.
«Ruqsat alǵan sátten bastap, 12-16 qańtar aralyǵynda órtten zardap shekken úı-jaılardy tazartý júrgizildi. QazQSǴZI «Qazaqstan» telearnasynyń, Bas prokýratýra ókildiginiń, Almaty polısııa departamentiniń jáne aýdandyq polısııa basqarmalarynyń ǵımarattaryndaǵy tehnıkalyq tekserýdi aıaqtady. Qalalyq ákimdik ǵımaraty boıynsha zertteý nátıjeleri 2022 jyldyń 28 qańtarynda kútilýde», dedi ákimniń orynbasary.
Onyń aıtýynsha, irilendirilgen smetalyq norma boıynsha jalpy somasy 28,6 mlrd teńgege 10 nysandy qalpyna keltirý jumystarynyń aldyn ala quny eseptelgen.
«Qazaqstan» telearnasy men qalalyq ákimdik ǵımarattaryn kúrdeli jóndeý men qaıta jańartýdy 1 tamyzǵa deıin aıaqtaý kózdelip otyr. Sondaı-aq, jeti nysanda, onyń ishinde Bas prokýratýra ǵımaratynda, sondaı-aq polısııa departamentiniń toǵyz ǵımaratynda jóndeý jumystary bastaldy. Josparlanǵan barlyq jóndeý jumystary 1 mamyrǵa deıin aıaqtalady dep kútilýde», dep naqtylady Muhıt Ázirbaev.
Ol, sondaı-aq, bıznestiń áleýmettik jaýapkershiligi esebinen memlekettik organdardyń 28 nysanynda jóndeý jumystary júrgizilip jatqanyn qosa aıtty. 5 densaýlyq saqtaý nysanynyń úsheýinde jumystar aıaqtaldy, 3 aýdandyq polısııa basqarmasyndaǵy jóndeý jumystaryn 28 qańtarǵa deıin aıaqtaý josparlanýda, zardap shekken 20 modýldik polısııa beketteriniń beseýi tolyǵymen órtengen - olardyń ornyna jańalary ornatylady, taǵy 15-i qalpyna keltiriledi, olardyń 9-ynda jumystar aıaqtalý satysynda.