Qazaqstan UOK Bas hatshysy Andreı Krıýkov Beıjińdegi Olımpıada oıyndarynda qansha qazaqstandyq sportshy óner kórsetetinin aıtty, dep habarlaıdy Egemen.kz.
«Olımpıada oıyndary 4 aqpanda bastalady. Oıyndar úsh sport klasterinde ótedi. Aldyn ala málimetter boıynsha, oıyndarǵa álemniń 95 elinen 4 myńnan astam sportshy qatysatyn bolady. Olar 109 medal jıyntyǵyn oınatady. Beıjińdegi olımpıadalyq komanda quramynda 34 sportshy óner kórsetedi. Bul aldyńǵy olımpıadalarǵa qaraǵanda az. Lısenzııalardyń kópshiligin shańǵyshylar – 35, konkımen júgirýshiler – 12 jáne bıatlonshylar – 12 jeńip aldy», dep túsindirdi UOK Bas hatshysy.
Short-trek boıynsha - 9, frıstaıl-akrobatıka boıynsha - 4, frıstaıl-mogýl boıynsha - 6, tramplınnen shańǵymen sekirý boıynsha - 4, Taý shańǵysy sporty boıynsha - 3, shańǵy úshsaıysy boıynsha - 3 sportshy óner kórsetedi.
Andreı Krıýkov qazir sportshylar daıyndyqtyń sońǵy kezeńinen ótip, karantındik aımaqtarda ornalasqanyn eske saldy: olardyń ekeýi - Qazaqstanda jáne úsheýi – shetelde.