Bul jaıynda Nur-Sultan qalasy polısııa departamenti krımınaldyq polısııa basqarmasynyń bólim basshysy Dıas Qadirov málim etti, dep habarlaıdy Egemen.kz.
«Osyǵan deıin aıtqanymdaı, urlyq qylmys birneshe topqa bólinedi. Sonyń biri páter tonaý. Páter tonaýshylar ekige bólinedi kásibı jáne áýesqoı. Páter tonaý kóbinese kóktem men jazda bolady. Sebebi kún jyly nemese ystyq kezde úı ıeleri tereze men esikti ashyq qaldyryp jatady. Al urlyqshylar osy sátti qalt jibermeıdi. Sondaı-aq ótken jyldyń jeltoqsan aıynan bastap tonaý men urlyqqa qatysty zańǵa ózgeris engizildi. Iаǵnı, urlanǵan múlik ıesine qaıtarylyp, ekijaq tatýlasqan kúnniń ózinde qylmysker zańǵa sáıkes jazasyn óteıdi. Sol sııaqty jaza qatańdatyldy», dedi Dıas Qadirov polısııa departamentinde ótken baspasóz máslıhatynda.