Qazaqstandyq Anna Danılına juptyq synda Aýstralııa ashyq chempıonatynyń fınalynda jeńilip qaldy, dep habarlaıdy Egemen.kz.
A.Danılına brazılııalyq Beatrıs Haddad Maııamen birge fınalda álemniń juptyq syndaǵy birinshi raketkalary, chehııalyqtar Barbora Kreıchıkova – Katerına Sınıakovamen sheberlik baıqasty. Bul kezdesýdiń favorıtteri buǵan deıin eki márte Rolan Garros, bir ret Ýımbldon jarysynyń chempıony atanyp, ótken jyly Tokıo Olımpıadasy men WTA qorytyndy týrnırinde úzdik
shyqqan chehııalyq jup edi. Bıyldan bastap birge oınaı bastaǵan Danılına men Maııa osyǵan deıin Sıdneı WTA 500 dodasynda jeńimpaz atandy. Birinshi partııa barysynda qarsylastar eki retten breık jasady. Taı-breıkte qazaqstandyq-brazılııalyq jup sátti oınaı bildi – 7:6 (7:3).
Eknshi sette chehııalyqtar alǵa ketti – 2:0. Aqyry sol basymdylyqtan aıyrylǵan joq – 6:4. Úshinshi, sheshýshi partııada esep 2:1 bolǵan mezette qazaqstandyq-brazılııalyq jup breık-poıntty paıdalana almady. Esesine qarsylastary mundaı múmkindikti múlt jibermedi – 3:2. Taǵy bir breık – 5:2.
Budan keıin K.Sınıakova matchqa dop bergende, Danılına men Maııa qarymta qaıyryp, esepti qysqartty. Degenmen B.Kreıchıkova dop bergende, jeńis chehııalyq juptyń enshisinde ketti – 6:4. Naǵyz fınalǵa tán tartysty báseke 2 saǵat 42 mınýtqa sozyldy
Osylaısha qazaqstandyqtar arasynda alǵashqy bolyp Aýstralııa birinshiliginiń fınalyna deıin jetkenA.Danılına aldaǵy dúısenbide jańartylatyn álemdik reıtıngide juptyq synda úzdik 25 tennısshiniń qataryna kiredi.