Aslan Túkıev QR Joǵarǵy Sotynyń ákimshilik ister jónindegi sot alqasynyń tóraǵasy bolyp taǵaıyndaldy, dep habarlaıdy Egemen.kz.
Túkıev Aslan Sultanuly 1979 jyly Qaraǵandy oblysynda dúnıege kelgen.
2000 jyly QR IIM Qaraǵandy zań ınstıtýtyn jáne 2004 jyly Qaztutynýodaǵy Qaraǵandy ekonomıkalyq ýnıversıtetin bitirgennen keıin Túrkııa, Germanııa, Fransııa jáne Latvııada ǵylymı taǵylymdamadan ótti. Zań ǵylymdarynyń kandıdaty, dosent.
2019-2020 jyldary QR Joǵarǵy Soty janyndaǵy Sottardyń qyzmetin qamtamasyz etý departamenti basshysynyń orynbasary bolyp jumys istedi. 2020 jyldan bastap qazirgi ýaqytqa deıin - QR Joǵarǵy Sotynyń sýdıasy.
Nurserik Sháripov Joǵarǵy Sottyń azamattyq ister jónindegi sot alqasynyń tóraǵasy bolyp taǵaıyndaldy.
Nurserik Kárimuly Sháripov 1965 jyly Pavlodar oblysynda dúnıege kelgen.
S.M. Kırov atyndaǵy Qazaq memlekettik ýnıversıtetiniń zań fakýltetin bitirgennen keıin Qazaq memlekettik ýnıversıtetiniń ákimshilik quqyq kafedrasynyń assıstenti bolyp jumys istedi.
2017 jyly QR Joǵarǵy Soty janyndaǵy Sottardyń qyzmetin qamtamasyz etý departamentiniń basshysy boldy.
2018-2021 jyldary - Qaraǵandy oblystyq sotynyń tóraǵasy boldy.
2021 jylǵy jeltoqsannan bastap osy ýaqytqa deıin QR Joǵarǵy Sotynyń sýdıasy boldy.