Ulybrıtanııalyq kásipqoı boksshy kishi Krıs Iýbenk otandasy Lıam Ýılıamsqa qarsy ótetin jekpe-jekten keıin IBF, IBO tujyrymdary boıynsha orta salmaqtaǵy álem chempıony, qazaqstandyq Gennadıı Golovkınge qarsy sharshy alańǵa shyǵatynyna senimdi, dep habarlaıdy Egemen.kz sports.kz-ke silteme jasap.
«Ýaqytynda Golovkınge qarsy ótýge tıis shaıqastan bas tartqan joqpyn. Kezdesýdiń uıymdastyrylmaýy – meniń kinám emes. Sol kezde oǵan qarsy shyqqan Kell Brýktyń jaǵdaıyn kórdińizder. Kózin jaraqattap aldy. Al men aldaǵy jekpe-jegimnen keıin Gennadıı Golovkınmen jáne kásipqoı boks áleminiń ózge de juldyzdarymen sharshy alańda jolyǵatynyma senimdimin», deıdi ol.