2022 jylǵy qańtardan bastap Memleket basshysynyń Jarlyǵymen kóshi-qon salasyndaǵy 20 fýnksııa IIM-nen Eńbek jáne halyqty áleýmettik qorǵaý mınıstrligine berildi, dep jazady Egemen.kz.
Osy maqsatta Eńbek kodeksine, «Bosqyndar týraly» «Halyqtyń kóshi-qony týraly», «Jeke basty kýálandyratyn qujattar týraly» jáne «ishki ister organdary týraly» zańdarǵa ózgerister engizildi.
«Atap aıtqanda, eńbek ımmıgranttaryna ruqsat berý, bosqyndarmen jumys, Halyqtyń kóshi-qony salasyndaǵy vedomstvoaralyq úılestirýdi júzege asyrý, kóshi-qon prosesteriniń monıtorıngi jáne quqyqtyq tártipti qamtamasyz etýmen tikeleı baılanysty emes birqatar basqa da ókilettikter berildi», delingen habarlamada.
Eńbek jáne halyqty áleýmettik qorǵaý mınıstrliginiń bosqyndarmen jumysy kóbine olarǵa áleýmettik kómek, medısınalyq qyzmet jáne bilim berýge, sondaı-aq olardy jumysqa ornalastyrýǵa baǵyttalady.
IIM baspasóz qyzmetiniń málimetinshe, «Azamattyq vedomstvonyń» BUU Bosqyndar isteri jónindegi Joǵarǵy Komıssarynyń basqarmasy, Kóshi-qon jónindegi halyqaralyq uıym, úkimettik emes uıymdar sııaqty halyqaralyq qurylymdarmen tyǵyz ózara is-qımyly olardyń ózekti máselelerin halyqaralyq standarttarǵa sáıkes sapaly sheshýge múmkindik beredi.
Halyqqa qyzmet kórsetý ortalyqtary arqyly beriletin «Eńbek patentteri» dep atalatyn jeke tulǵalardyń úı sharýashylyǵynda jumys isteý úshin eńbekshi kóship kelýshilerge ruqsat berýmen uqsas jaǵdaı.
Sheteldikterdiń jumys isteýine ruqsattyń barlyq basqa túrlerin jergilikti atqarýshy organdar beredi, olardy berý tártibin eńbek jáne halyqty áleýmettik qorǵaý mınıstrligi aıqyndaıdy.
«Bosqyndar men eńbek mıgranttarynyń Qazaqstanda bolýdyń belgilengen erejelerin saqtaýyn baqylaý burynǵysynsha polısııa quzyretinde saqtalǵan. Iаǵnı, bosqyn mártebesin jáne jeke tulǵadan eńbek qyzmetine ruqsat alǵannan keıin kórsetiletin qyzmetti alýshylar ornalasqan jeri boıynsha polısııaǵa ýaqytsha turýǵa ruqsat alý úshin mindetti túrde júginýi tıis», delingen habarlamada.
Barlyq týyndaǵan suraqtar boıynsha Eńbek jáne halyqty áleýmettik qorǵaý mınıstrliginiń Eńbek, áleýmettik qorǵaý jáne kóshi-qon komıtetine telefon arqyly habarlasýǵa bolady 8/717/2-74-37-78, 74-37-26 jáne QR IIM Kóshi-qon qyzmeti komıteti telefondary boıynsha 8/717/2-71-40-73,72-20-62.