4 aqpan kúni saǵat 18:00-de «Habar», «Qazaqstan», «Qazsport» jáne «Elarna» telearnalary XXIV Qysqy Olımpıada oıyndarynyń ashylý saltanatyn tikeleı efırde kórsetedi, dep habarlaıdy Egemen.kz.
Otandyq telearnalar qysqy sporttyń eń tanymal túrleri boıynsha translıasııalar usynady.
Telearnalardyń shyǵarmashylyq toby Beıjińdegi túsirilim jumystaryn bastady. Top quramynda Sochı Olımpıadasynan aqparat taratqan jýrnalıst Jandos Aıtbaı, «Habar» telearnasynyń jýrnalısi Amır Sámenbetov, «Qazsport» telearnasynyń tilshisi Azat Qadyrbek, operatorlar Dáýren Jurqabaev pen Esenbek Ákimbaı bar.
Qysqy Olımpıadadan otandyq arnalar 220-dan astam translıasııa usynady. «Habar» jáne «Elarna» 90-nan astam, «Qazaqstan» jáne «Qazsport» 130 translıasııa kórsetedi.
Jarystardy tájirıbeli kommentatorlar Aıan Kúshbaev, Raýan Oqas, Evgenıı Akmanov, Erbol Kaırov, Eseı Jeńisuly, Rýslan Baqytjan, Tımýr Súleımenov, Sergeı Raılıan, Ersin Erikuly, Ýálıhan Qosanbaı, Samat Qanaǵatov, Aleksandr Oleınık, Dıdar Qadyrov, Danıla Malyshev, Jiger Ázbergen, Ásem Nurlanova, Lılıana Áljanova jáne Indıra Bektenova júrgizedi.
Telearnalar ár jarys kúniniń qorytyndysy boıynsha Olımpıada kúndelikterin usynady.
Teleefırden bólek, Olımpıada oıyndarynyń televızııalyq translıasııalary arnalardyń resmı saıty, mobıldi qosymshasy jáne youtube-arnalarynan kórsetiledi.