Nur-Sultan qalasynyń ákimi bıyl astanada 16 mektep salý josparnyp otyrǵanyn áleýmettik jelidegi paraqshasynda jazdy, dep habarlaıdy Egemen.kz.
«Bıyl 16 mektep salýdy josparlap otyrmyz. Keshendi jospar aıasynda 5 jyldyq kezeńge 70-ke jýyq mektep salý josparlanǵan. Oqý oryndary barlyq aýdandarda, sonyń ishinde eldi mekenderde salynyp jatyr. Oqý oryndaryna qajettilik bar aýdandarǵa basa nazar aýdaramyz. Memleket basshysynyń tapsyrmasy boıynsha sońǵy jyldary mektep qurylysynyń kólemi aıtarlyqtaı ulǵaıdy. Mysaly, 2019 jyly 6 mektep salynsa, 2020 jyly 11 mektep salyndy. О́tken jyly 15 mektep saldyq. Bul 40 myńǵa jýyq oqýshy ornyn ashýǵa múmkindik berdi. Jańa mektepter esebinen úsh aýysymdy mektepter sany 5 oqý ornyna qysqardy, sol sııaqty 10 mektepte shamadan tys júkteme máselesi sheshildi», dep jazdy elorda ákimi.
Sondaı-aq Altaı Kólginov mektep qurylysyn júrgizýge ınvestorlar tartylatyn jetkizdi.
«Balanyń bilim alýǵa degen zeıinin ashý úshin bilim berý sapasyn arttyryp, oqýyna barlyq jaǵdaı jasalyp jatyr. Bárimizge belgili, mektep – balany tulǵa retinde qalyptastyratyn oryn. Mektep qurylysyna jeke ınvestısııalar tartamyz. Investorlarmen kezdesip, bilim berý salasyndaǵy jobalardy, ıaǵnı mektepter men balabaqshalardyń qurylysyn talqyladyq. Investorlarǵa qoıylatyn shart – mektep qurylysyn belgilengen merzimde bitirý», dedi qala ákimi.