Qazir ósimdik maıyna qýyrylǵan taǵamdar tez ótedi. Jyldam daıyndalatyn tamaqtarǵa kezek kóp. Suranys tolastamaı turǵanda tapsyrys ta molynan oryndalady. Al sondaı oryndardan kúnine qansha lıtr suıyq maı qalady. Ony qaıta-qaıta paıdalaný densaýlyqqa zııan. Sondyqtan birneshe ret paıdalanylǵan suıyq maıdy qoqysqa jiberedi. Osyndaı qaldyqtan jas zertteýshiler bıootyn jasap shyǵardy.
Qazaq ulttyq qyzdar pedagogıkalyq ýnıversıtetiniń (QazUPÝ) stýdentteri Nazerke Halel men Mýnısa Saıdıǵanıeva ósimdik maıynan bıootyn daıyndady. Olardyń jobasy halyqaralyq konferensııada júldeli oryn aldy. Joba jetekshisi – QazUPÝ doktoranty Gúlsara Aqanova. Ol ekologııalyq taza bıootyn óndirýdiń biregeı tehnologııasyn ázirleýmen birneshe jyl boıy aınalysyp keledi jáne osy jobasyna óziniń shákirtterin de tartqan.
«Qazir kóptegen el bıootynǵa kóship jatyr. Shetelde bıootyndy negizinen qant qamysy, júgeri sııaqty ártúrli ósimdikten óndiredi. Biz bıootyn alý boıynsha ózimizdiń tól tehnologııamyzdy oılap taptyq ári sonyń negizinde ónim aldyq. Jyldam tamaqtaný oryndarynda ósimdik maıy kóp mólsherde paıdalanylady jáne tamaq pisirgennen keıin jaramsyz bolyp qalady. Biz ony qaıta óńdeýdi usynamyz. Bul úshin ósimdik maıyn usaq qospalardan tazartamyz, sodan keıin siltili katalızator men etıl spırtin qosamyz. Osylaısha, bıootyn alamyz», deıdi doktorant G.Aqanova.
Jas ǵalymdardyń jobasy birqatar ekologııalyq jáne ekonomıkalyq máseleniń túıinin tarqatady. Bıootyn ekologııalyq taza jáne tıimdi, sonymen qatar arzan, qaýipsiz. Osyǵan qosa bıootyn tasymaldaýǵa da yńǵaıly.
Paıdalanylǵan ósimdik maıynan bıootyn alý tehnologııasy jas ǵalymdar men stýdentterdiń «Farabı álemi» halyqaralyq konferensııasynda úzdikterdiń biri dep tanyldy. Ázirge bul – Qazaq ulttyq qyzdar pedagogıkalyq ýnıversıteti stýdentteriniń alǵashqy ǵylymı jetistigi. Aldaǵy ýaqytta jas zertteýshiler jumysyn jetildirip, startap jobalardyń baıqaýlaryna qatysýdy josparlap otyr.