Almaty qalasy ákiminiń orynbasary qyzmetine Arman Qyryqbaev taǵaıyndaldy, dep habarlaıdy Egemen.kz.
Erbolat Dosaevtyń jańa orynbasary1976 jyldyń 20 qazanynda Selınograd qalasynda týǵan. Qazaq memlekettik basqarý akademııasynyń, Qazaqstan Respýblıkasy Syrtqy ister mınıstrliginiń Dıplomatııalyq Akademııasynyń túlegi. Mamandyǵy – halyqaralyq ekonomıst. Memlekettik qyzmette, mádenıet jáne jastar saıasaty salasynda 25 jyldan astam eńbek eten.
Arman Qyryqbaev eńbek jolyn 1996 jyly Qazaqstan Respýblıkasy Syrtqy ister mınıstrliginiń referenti, attashesi retinde bastaǵan. 1997-1999 jyldary-Qazaqstan Respýblıkasynyń О́zbekstandaǵy elshiliginiń attashesi, 1999-2000 jyldary-Qazaqstan Respýblıkasy Syrtqy ister mınıstrliginiń úshinshi hatshysy, keıin Qazaqstan Respýblıkasy Syrtqy ister mınıstrligi TMD isteri komıtetiniń ekinshi hatshysy bolǵan. 2002-2004 jyldary – «ABE korporasııasy» JAQ Strategııa jáne marketıng departamentiniń dırektory, 2004-2005 jyldary – «K-MART» JShS Bas dırektory. 2005 jyly Medeý aýdany ákiminiń orynbasary, 2005 jyldan 2006 jylǵa deıin Almaty qalasy jastar saıasatyn damytý memlekettik qorynyń dırektory, 2006 jyldyń sáýirinen 2008 jyldyń aqpanyna deıin Qazaqstan Respýblıkasy Mádenıet jáne aqparat mınıstrligi Qoǵamdyq-saıası jumys jáne jurtshylyqpen baılanys departamentiniń dırektory bolyp eńbek etken. 2010 jyldyń qańtarynan 2012 jyldyń aqpanyna deıin Qazaqstan Respýblıkasy Mádenıet jáne aqparat Mınıstrligi Mádenıet komıtetiniń tóraǵasy, Qaraǵandy oblysy ákiminiń orynbasary qyzmetterin atqarǵan.
Ol 2012-2014 jyldary Qazaqstan Respýblıkasynyń Mádenıet jáne aqparat vıse-mınıstri bolyp jumys istedi. 2014-2015 jyldary Nur Otan partııasy tóraǵasy birinshi orynbasarynyń keńesshisi bolǵan. 2015 jyldyń qazanynan 2019 jyldyń shildesine deıin Almaty qalasy ákimdiginiń ishki saıasat, densaýlyq saqtaý, bilim berý, mádenıet, jastar saıasaty, tilderdi damytý jáne basqa da máseleler jónindegi orynbasary qyzmetin atqardy. Keıingi ýaqytta Nur Otan partııasynyń hatshysy bolyp eńbek etti.