Asa jeńil salmaqta baq synap júrgen qazaqstandyq aralas jekpe-jek sheberi Sergeı Morozov UFC-de úshinshi jekpe-jegin ótkizip, ekinshi ret jeńildi, dep habarlaıdy Egemen.kz.
AQSh-tyń Hıýston qalasynda ótken UFC 271 týrnıri aıasynda qazaqstandyq sportshy Brazılııa úmiti Dýglas Sılva de Andradege qarsy oktagonǵa shyqty. Sergeı Morozov birinshi kezeńde qarsylasyna qaraǵanda basym boldy. Tipti qarsylasyn eseńgiretip te alǵan edi. Alaıda ekinshi raýndta es jıyp alǵan Dýglas Sılva de Andrade kezeń sońyna qaraı Morozovty qylqyndyrý ádisimen jedel jeńdi. Osylaısha UFC-de úshinshi kezdesýin ótkizgen qazaqstandyq sportshy ekinshi márte jeńildi.