Shymkent qalasynyń ákimi Murat Áıtenov ishki saıasat jáne jastar isteri jónindegi basqarmasynyń 2022 jyly atqarylatyn jumystarynyń esebin tyńdady, dep habarlaıdy Egemen.kz.
Bıyl qalada jastar úshin 8 kóshpeli bos jumys oryndar jármeńkesi ótedi. 2021 jyly 4 jármeńke uıymdastyrylyp, jumyssyz jastar bos jumys oryndaryna joldanǵan bolatyn.
M.Shotanov qaladaǵy jumys isteýge jáne bilim alýǵa qyzyǵýy tómen jastar úshin mobıldi top qurylǵanyn aıtty. О́tken jyly arnaıy top ókilderi eldi mekenderdi aralap, 10 myń jaspen kezdesse, bıyl 15 myń jasqa túsindirý jumysyn júrgizý josparlanǵan.
Sonymen qatar, osy jyly jumyspen qamtý jáne áleýmettik qorǵaý basqarmasymen birlese 18 myń jasty jumyspen qamtý kózdelip otyr.
«Jasyl el» maýsymdyq eńbek jasaqtary jobasymen bıyl shilde-qyrkúıek aralyǵynda 1 313 jas ýaqytsha jumyspen qamtylady. Aıta ketsek, 2021 jyly osy jobamen 1 213 jas jumysqa baǵyttalǵan.