QR Úkimetiniń qaýlysymen Ásem Bekqyzy Núsipova basqa jumysqa aýysýyna baılanysty Qazaqstan Respýblıkasynyń Densaýlyq saqtaý vıse-mınıstri qyzmetinen bosatyldy. Bul týraly QR Premer-Mınıstriniń baspasóz qyzmeti habarlady, dep jazady Egemen.kz.
Ásem Núsipova 1975 jyly Almaty qalasynda dúnıege kelgen.
1996 jyly Ál-Farabı atyndaǵy Qazaq memlekettik ulttyq ýnıversıtetin, 1998 jyly osy ýnıversıtettiń magıstratýrasyn bitirgen.
Eńbek ótili:
2001-2003 jyldary - Qaýipsizdik Keńesiniń ekonomıkalyq qaýipsizdik máseleleri jónindegi bóliminiń bas sarapshysy, QR Prezıdenti Ákimshiliginiń júıeli zertteýler ortalyǵynyń sarapshysy, sektor meńgerýshisi.
2003-2007 jyldary QR Qarjy mınıstriniń keńesshisi, QR Premer-Mınıstriniń Keńesshisi, QR Premer-Mınıstri Keńsesiniń Jıyntyq taldaý bóliminiń meńgerýshisi.
2007-2008 jyldary - QR Densaýlyq saqtaý vıse-mınıstri.
2008-2016 jyldary - «Qaztransoıl» AQ Bas dırektorynyń ekonomıka jáne qarjy jónindegi orynbasary.
2016-2019 jyldary - Shyǵys Qazaqstan oblysy ákiminiń orynbasary.
2020 jylǵy qazannan bastap qazirgi ýaqytqa deıin - QR Densaýlyq saqtaý vıse-mınıstri.