Almaty oblysy ákiminiń ókimimen Momysh Eltaıuly Mahmetov Almaty oblysynyń memlekettik satyp alý basqarmasynyń basshysy bolyp taǵaıyndaldy, dep habarlaıdy Egemen.kz.
Momysh Eltaıuly Mahmetov 1985 jyly týǵan.
Bilimi joǵary. Shákárim atyndaǵy Semeı memlekettik ýnıversıtetin qarjy jáne menedjment mamandyǵy boıynsha bitirgen.
Eńbek jolyn Qapshaǵaı qalasy Zarechnyı aýylyndaǵy №23 orta mekteptiń býhgalteri bolyp bastady.
Ár jyldarda Almaty oblystyq qarjy basqarmasynyń jetekshi mamany, Almaty oblysy boıynsha qazynashylyq departamentiniń jetekshi maman-jetekshi qazynashysy, bas maman - bas qazynashysy, bólim basshysy, Nur-Sultan qalasynda Qazaqstan Respýblıkasy Qarjy mınıstrligi Qazynashylyq komıteti Qarjylyq qamtamasyz etý basqarmasynyń bas sarapshysy, Qorshaǵan ortany qorǵaý jáne sý resýrstary mınıstrligi Ekonomıka jáne qarjy departamenti Josparlaý jáne memlekettik satyp alý basqarmasynyń basshysy, Bıýdjet jáne qarjylyq rásimder departamenti Bıýdjettik baǵdarlamalardy iske asyrý basqarmasynyń basshysy, Bıýdjet jáne qarjylyq rásimder departamenti dırektorynyń orynbasary, Energetıka mınıstrligi Bıýdjet jáne qarjylyq rásimder departamenti dırektorynyń orynbasary boldy.
2020 jylǵy jeltoqsannan búgingi kúnge deıin QR Energetıka mınıstrligi Ákimshilik jumysy departamentiniń dırektory qyzmetin atqardy.