WBA (super) tujyrymy boıynsha jartylaı aýyr salmaq dárejesindegi álem chempıony, reseılik boksshy Dmıtrıı Bıvol ekinshi orta salmaq dárejesindegi álemniń absolıýtti chempıony, meksıkalyq Saýl Alvarestiń komandasynan ekeýara kezdesýge qatysty jaýap kútip otyrǵanyn aıtty, dep habarlaıdy Egemen.kz.
«Bizdiń taraptan olarǵa usynys jasaldy. Endi «Kanelonyń» komandasynan jaýap kútip otyrǵan jaıymyz bar. Basqa bizdiń qolymyzdan ne keledi? О́zim mundaı masshtabtaǵy shaıqasqa tas túıin daıynmyn. Olardyń jospary óte kóp ekeni málim. Qaı baǵytty tańdaý yńǵaıly ekenin jan-jaqty qarastyryp jatqan shyǵar. Al men qandaı jaýap bolatynyn baqylap júrmin. Saýl Alvarespen kezdesý ótpese, basqa nusqalardy zerdeleımiz», deıdi reseılik bylǵary qolǵap sheberi.