Qazaqstan Respýblıkasy Sybaılas jemqorlyqqa qarsy is-qımyl agenttigi Qoǵamdyq keńesiniń keńeıtilgen otyrysynda jańa zańnamalyq bastamalar qaraldy, dep jazady Egemen.kz.
Otyrysqa Parlament Májilisiniń depýtattary qatysty.
Agenttiktiń qoǵamdyq keńesiniń músheleri jaqynda qabyldanǵan 2022-2026 jyldarǵa arnalǵan sybaılas jemqorlyqqa qarsy saıasat tujyrymdamasynyń negizgi baǵyttarymen tanysty, Parlament Májilisiniń qaraýynda jatqan «Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn (budan ári – Zań jobasy) talqylady. Talqylaý barysynda Qoǵamdyq keńes músheleri men shaqyrylǵandar birqatar usynystar engizip, týyndaǵan suraqtarǵa tolyq jaýaptar aldy.Zań jobasynyń negizgi novellasy negizsiz baıý úshin jaýapkershilikti belgileı otyryp, memlekettik qyzmetshiler men olarǵa teńestirilgen adamdar shyǵystarynyń olardyń tabystaryna sáıkestigin baqylaýdy engizý bolyp tabylady. Memlekettik qyzmetshilerdiń kiristerin baqylaý tetigi EYDU (Ekonomıkalyq yntymaqtastyq jáne damý uıymy), Shyǵys Eýropa jáne TMD birqatar elderinde tıimdi jumys isteıdi.
Zańnamalyq túzetýlerdiń taǵy bir mańyzdy blogy sybaılas jemqorlyq faktileri týraly habarlaıtyn nemese sybaılas jemqorlyqqa qarsy is-qımylda ózge de jolmen járdemdesetin adamdardy qorǵaýdy kúsheıtýge baǵyttalǵan. Sybaılas jemqorlyq faktileri týraly habardar etý deńgeıi sózsiz joǵary bolady dep kútilýde, óıtkeni memleket sybaılas jemqorlar tarapynan yqtımal qýdalaýdan qorǵaýdyń kepildi quqyqtyq quraldaryn qamtamasyz etetin bolady. Bul ozyq halyqaralyq standarttar sybaılas jemqorlyqqa qarsy is-qımyldyń tıimdiligin arttyrýda eleýli qadam bolady jáne eleýli profılaktıkalyq áserge ıe bolady.