Fransııa ulttyq quramasynyń burynǵy jartylaı qorǵaýshysy Emmanýel Petı «PSJ» fýtbol klýbynyń oıynshysy, «Altyn dop» syılyǵynyń jeti dúrkin jeńimpazy Lıonel Messıdi qosalqy quramǵa otyrǵyzatyn kez jetkenin aıtty, dep habarlaıdy Egemen.kz championat.com-ǵa silteme jasap.
«Búgingi Messı buryn «Barselona» fýtbol klýbynda jasyndaı jarqyraǵan fýtbolshynyń kóleńkesi ekeni ras. «Manchester Iýnaıted» fýtbol klýbynyń Krıshtıaný Ronaldýdy bapker Ralf Rangnık qosalqy quramǵa otyrǵyzdy. Sodan keıingi oıynda ol gol soqty. Bálkim Messıdi de qosalqy quramǵa jiberý kerek shyǵar. Sonda ol nátıjeli oıyn kórsetetin bolar. Alaıda Messı mundaı sheshimge kelise me? Áńgime sonda», deıdi ol óz oıymen bólisip.