Bul týraly Qarjylyq monıtorıng agenttiginiń tóraǵasy Janat Elımanov málim etti, dep jazady Egemen.kz.
Sondaı-aq Qarjylyq monıtorıng agenttiginiń tóraǵasy Janat Elımanov bıyl shetelge aýdarylǵan qarajattyń ótken jyldyń sáıkes kezeńimen salystyrǵanda 30 paıyzǵa azaıǵanyn aıtty.
«QR Qarjylyq monıtorıngi agenttigi kapıtaldy shyǵarýdy baqylaý sharalaryn kúsheıtý boıynsha júrgizilip jatqan jumysqa qatysty depýtattyq saýaldy qarady. Kapıtaldy zańsyz shyǵarýǵa jol bermeý maqsatynda qarjy retteýshileri - Ulttyq bank (jáne Qarjy naryǵyn retteý jáne damytý agenttigimen (QNRDA) birlesip, kúdikti transshekaralyq aýdarymdardyń kúsheıtilgen monıtorıngi jolǵa qoıyldy. Aǵymdaǵy jyly jalpy somasy 150 mlrd teńgeden asatyn elden tys jerlerge zańsyz aýdarý táýekeli joǵary kúdikti operasııalar 3 ese kóp toqtatyldy jáne quqyq qorǵaý organdaryna jiberildi. Qabyldanyp jatqan sharalar esebinen shetelge aqsha qarajatyn shyǵarýdyń qandaı da bir aýytqýshylyǵy baıqalmaıdy. Kerisinshe, bıyl shetelge 30 paıyzǵa az aýdaryldy», dedi Janat Elımanov.
Agenttik tóraǵasy qańtar aıynda jasalǵan sheteldik aýdarymdar týraly da aıtyp berdi.
«Osylaısha, kúdikti jáne shekti operasııalar týraly derekterge sáıkes, bıylǵy qańtar aıynda shetelge aýdarymdar kólemi 2,6 trln teńgeni qurady (2021 jyldyń sáıkes kezeńinde – 3,5 trln teńge). Operasııalardyń 92 paıyzy 9 elge tıesili: AQSh-1,1 trln teńge; Reseı – 814 mlrd teńge; Ulybrıtanııa – 176 mlrd teńge; Qytaı– 80 mlrd teńge; Germanııa – 79,7 mlrd teńge; Lıhtenshteın – 44,5 mlrd teńge; Shveısarııa – 43,8 mlrd. teńge; Gonkong – 30 mlrd teńge jáne BAÁ – 29,4 mlrd teńge», dedi ol.