QR Syrtqy ister mınıstri Muhtar Tileýberdi Reseıdiń Donesk pen Lýganskini turaqtandyrý sheshimine pikir bildirdi, dep habarlaıdy Egemen.kz.
«Keshe Reseı Donesk jáne Lýgansk Halyq Respýblıkalaryn turaqtandyrý jóninde sheshim qabyldaǵan bolatyn. Sondyqtan qazirgi jaǵdaı óte kúrdeli, shıelenisip bara jatyr. Al Qazaqstannyń resmı ustanymy talqylaný ústinde», dedi ol búgin Úkimet otyrysynan keıin BAQ ókilderiniń saýalyna oraı.
Onyń atap ótýinshe, qazirgi ýaqytta Qazaqstannyń kún tártibinde atalǵan eki respýblıkany moıyndaý máselesi turǵan joq.
«Biz halyqaralyq quqyqty jáne BUU ustanymyn ustanamyz», dedi mınıstr.
Sonymen qatar ol BAQ ókilderiniń «Reseı ótinish bildirse Qazaqstan Donesk pen Lýganskge óz áskerin jibere me?» degen saýalyna da jaýap berdi.
«Ujymdyq qaýipsizdik shart uıymy bar. Oǵan Qazaqstan múshe. Biraq, bul uıymnyń ol jaqqa ásker jiberýge quqy joq», dedi Muhtar Tileýberdi.