Búgin Alash ardaqtysy Ahmet Baıtursynulynyń 150 jyldyq mereıtoıyn merekeleýdiń saltanatty ashylý rásimi bastaldy. Ashylý saltanatynyń alǵashqy is-sharasynda Jazýshylar alleıasyndaǵy «Alash qaıratkerlerine» arnalǵan eskertkishke gúl shoqtary qoıyldy, dep habarlaıdy Egemen.kz.
«Alash qaıratkerlerine» arnalǵan eskertkishke QR Memlekettik hatshysy Erlan Qarın, Nur-Sultan qalasynyń ákimi Altaı Kólginov, qazaqtyń zııaly qaýym ókilderi, atap aıtqanda belgili aqyn, Qazaqstan Jazýshylar odaǵynyń tóraǵasy Ulyqbek Esdáýlet, L. N.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov, QR UǴA akademıgi Dıhan Qamzabekuly gúl shoqtaryn qoıdy.