24 aqpan kúni О́zbekstan prezıdenti Qaraqalpaqstan Respýblıkasyndaǵy saparyn merziminen buryn aıaqtap, Tashkentke shuǵyl túrde oraldy, dep habarlaıdy Egemen.kz.
Eske salsaq, 23 aqpanda Shavkat Mırzıeev Qaraqalpaqstan Respýblıkasyndaǵy óńirlerdiń jaǵdaıymen jáne halyqtyń ómirimen tanysý úshin barǵan.
«Bul sapardyń aldyńǵy saparlarynan aıyrmashylyǵy, osy sapar alǵash ret úsh kúnge sozylǵan. Aral óńirin damytýǵa kúsh biriktirý úshin Qaraqalpaqstannyń árbir aýdany bir oblysqa bekitilgen» dep jazylǵan baspasóz qyzmetiniń habarlamasynda.
24 aqpanda Memleket basshysy Núkúste ınvestısııalyq jobalar ortalyǵynyń qyzmetimen tanysty. Ortalyqqa ónerkásiptiń jetekshi salalarynyń ókilderi bekitilgen. Prezıdentke Qaraqalpaqstan úshin josparlanǵan salalyq jobalar týraly aqparat usynyldy.
Sonymen qatar, Aral óńirin birlesip damytý úshin oblystardyń hokımııattary tartyldy. Olar Qaraqalpaqstannyń árbir aýdany boıynsha jobalar ázirledi. Ortalyqta osy josparlardyń tusaýkeseri ótti.
Osymen Shavkat Mırzıeev Qaraqalpaqstan Respýblıkasyna saparyn aıaqtap, Tashkentke keldi.