Batys Qazaqstan oblysynda birshama ýaqyt buryn joǵalyp ketken balyqshy tabyldy, dep habarlaıdy Egemen.kz inform.kz-ke silteme jasap.
Oblystyq tótenshe jaǵdaılar departamentiniń baspasóz qyzmeti oqıǵa Báıterek aýdanyndaǵy Bolashaq aýylynyń mańynda bolǵanyn habarlady. 25 aqpan kúni saǵat 10.00-de balyq aýlaýǵa ketken 1963 jylǵy er adam úıine qaıtyp barmaǵan. Saǵat 23.43-ten bastap jedel qutqarý jasaǵy (4 adam, 1 tehnıka) jáne TJ qyzmetkeri Bolashaq aýylynan 7 shaqyrym jerdegi toǵannan balyqshyny izdeý jumystaryn júrgizgen. 26 aqpan kúni saǵat 03.27-de izdeý toby er adamdy «Borıs» sharýa qojalyǵynyń qystaǵynan tapqan. Onyń jaǵdaıy qanaǵattanarlyq, medısınalyq kómekti qajetsinbedi. BQO TJ departamenti aýa-raıy týraly málimetterdi qaı kezde de nazardan tys qaldyrmaý qajettigin eskertedi.