Eki reseılik mıllıarder - Mıhaıl Frıdman men Oleg Derıbaska Ýkraınadaǵy soǵysqa qarsy shyǵyp, beıbitshilikke shaqyrdy, dep habarlaıdy Egemen.kz.
LetterOne ınvestısııalyq kompanııasynyń basshysy, Ýkraına týmasy Mıhaıl Frıdman kompanııa qyzmetkerlerine hat joldady: «Men soǵys eshqandaı máseleniń sheshimi bola almaıtynyna senimdimin» dep jazǵan ol.
Sonymen qatar ol Batys Ýkraınada dúnıege kelgenin jáne 17 jasqa deıin sonda turǵanyn, al ata-anasy áli kúnge deıin súıikti qalasy Lvovta turatynyn atap ótti. Frıdman qazirgi sát ýkraın jáne orys halyqtary úshin tragedııa ekenin jazdy. Forbes nusqasy boıynsha 15,5 mıllıard dollar dáýleti bar Frıdman álemdegi eń baı adamdar tiziminde 128-shi orynda tur.
27 aqpan kúni tústen keıin reseılik kásipker Oleg Derıpaska da óziniń Telegram-arnasynda soǵysqa qarsy pikir bildirdi.
«Beıbitshilik óte mańyzdy! Kelissózderdi múmkindiginshe tezirek bastaý kerek!», dedi olıgarh.
Aıta ketsek, Derıbaska - eń iri alıýmınıı óndirýshilerdiń biri - Rýsaldyń teń dárejeli ıesi.
Aıana Toǵanbek