QR Premer-Mınıstri Álıhan Smaıylov Úkimet otyrysynda memleketten qoldaý alǵan kásiporyndar qyzmetkerleriniń jalaqysyn ósirýge mindetteme alatynyn málim etti, dep habarlaıdy Egemen.kz.
«Otandyq kásipkerlikti damytý úshin ınvestısııalyq jobalardy iske asyrý arqyly ımporttyq taýarlardy ornalastyrýdyń mańyzy erekshe. Bul oraıda memleketten qoldaý alǵan kásiporyndar qyzmetkerleriniń jalaqysyn ósirýge mindetteme alady. Argoónerkásip kesheninde memlekettik qoldaýdyń tıimdiligin arttyrý úshin sýbsıdııalaý júıesiniń jańa tásilderi ázirlenip jatyr. Qosymsha aýyl sharýashylyǵy jerlerin aınalymǵa engizý arqyly aýyl sharýashylyǵy kooperasııalary men otbasylyq sharýashylyqtardy damytýǵa jaǵdaı jasalady. Birinshi kezekte aýyl sharýashylyǵy ónimderin óńdeýge baǵyttalǵan jobalar basym túrde qoldaýǵa ıe bolady», dedi Premer-Mınıstr.
Sondaı-aq Úkimet basshysy atalǵan sharalardyń bári bıyl qabyldanatynyn eske saldy.
«Olardy iske asyrý úshin Úkimet bar kúsh-jigerin jumsaıdy dep sendiremin», dedi Álıhan Smaıylov.