QR Prezıdenti Qasym-Jomart Toqaev «Amanat» partııasynyń jańa baǵytyn atap ótti, dep habarlaıdy Egemen.kz.
«Amanat» - ortaq maǵynadaǵy sentrıstik partııa. Ol - Ádildik partııasy, halyq birligi partııasy, alǵa qaraı nyq qadam basý partııasy, halyqtyń pikiri men armanyn tyńdaıtyn jáne azamattarymyzdyń múddesi úshin áreket etetin partııa», dedi Qasym-Jomart Toqaev partııanyń XXII sezinde.
Prezıdenttiń aıtýynsha, aıtylǵandardyń bári Ýkraınanyń aınalasynda bolyp jatqan oqıǵalar aıasynda erekshe mánge ıe.
«Bizdiń ustanymymyz memleketimizdiń qaýipsizdigin, egemendigin, aýmaqtyq qundylyǵyn qamtamasyz etýdiń asa mańyzdy qajettiligin negizge alýǵa tıis. 2010 jyly EQYU Sammıtin qabyldaǵan el retinde biz eýrazııalyq qaýipsizdiktiń bólinbeýshilik qaǵıdatyna súıenemiz. Bólinbeýshilik jáne ortaq qaýipsizdik qaǵıdaty ózara senim negizinde ózara túsinistikti bildiredi. О́kinishke qaraı, Mınsk kelisimi qaǵaz júzinde qaldy, Bul Ýkraına aýmaǵynda áskerı is-qımyldarǵa ákeldi», dedi Memleket basshysy.
«Geosaıası jaǵdaı ýshyǵyp ketti. Sondyqtan biz eki memleketti kelissózder ústelinde ortaq til tabýǵa shaqyramyz. Basqa jol joq. Al Qazaqstan qajet bolǵan jaǵdaıda óz tarapynan deldaldyq qyzmetterdi qosa alǵanda, jan - jaqty kómek kórsetýge daıyn», dep túıindedi Q.Toqaev.