Áýesqoı boksta álem jáne Azııa chempıony ataǵyna qol jetkizgen Mereı Aqshalov memlekettik jattyqtyrýshy qyzmetine taǵaıyndaldy, dep habarlaıdy Egemen.kz.
Bul týraly áleýmettik jelilerde Mádenıet jáne sport mınıstri Dáýren Abaev habarlady.
«О́tken aptada tanymal boksshy Mereı Aqshalov bokstan QR memlekettik jattyqtyrýshysy bolyp taǵaıyndaldy. Abyroıly qyzmette tabys tileımin! Elimiz úshin jáne ár qazaqstandyq úshin bokstyń orny bólek. Sol úshin árdaıym álemdik boks básekesiniń aldyńǵy sapynda bolýymyz kerek», dep jazdy mınıstr.