2022 jyldyń qańtarynda elordadaǵy «Ulttyq ǵylymı onkologııalyq ortalyǵyna» (UǴOO) Project C.U.R.E. halyqaralyq qaıyrymdylyq uıymynyń gýmanıtarlyq kómegi kelip jetti, dep habarlaıdy Egemen.kz.
Project C.U.R.E. jobasy búkil álem boıynsha medısınalyq quraldar men jabdyqtardy jetkizýge arnalǵan kommersııalyq emes uıym. Joba qyzmeti álemniń 135-ten astam elin qamtıdy jáne onyń iske asyrylýyna jyl saıyn 30 myńnan astam volonter qatysady.
Qazaqstannyń Project C.U.R.E jobasymen belsendi yntymaqtastyǵy 2020 jyldyń jeltoqsanynda tanymal qazaqstandyq ánshi Dımash Qudaıbergenniń AQSh-taǵy menedjeri Devıd Valera Reınosonyń bastamasymen júzege asyryldy. Ánshiniń MTV FRIDAY LIVESTREAM baǵdarlamasyna qatysýy, Project CURE, IPZ brend elshisi atanýy, sondaı-aq Dúnıejúzilik azyq-túlik baǵdarlamasy arqyly áıgili Michael Kors brendiniń ıesi Maıkl Korspen seriktestigi, AQSh Prezıdentiniń ınaýgýrasııasyn toılaý aptalyǵynda «SCI» (Sister Cities International) sharasynyń ashylýy sheńberinde óner kórsetýi D.Reınosonyń yqpalymen uıymdastyrdy.
D.Reınosonyń bastamasymen 2021 jyldyń 16 qańtarynda TIXR amerıkandyq platformasynda qaıyrymdylyq aıasynda Dımash Qudaıbergenniń alǵashqy onlaın-konserti uıymdastyryldy.
Qazaqstandyq ánshi men Project C.U.R.E jobasynyń birlesken jumysynyń nátıjesinde Nur-Sultan qalasynyń «Ulttyq ǵylymı onkologııalyq ortalyǵyna» (UǴOO) medısınalyq qural-jabdyqtar men materıaldar jetkizildi. Medısınalyq ortalyqqa kereýetter, múgedekter arbalary, hırýrgııalyq maskalar, qalpaqshalar, qolǵaptar, kózildirik, bet qorǵanysy, halattar jáne N-95 betperdeleri tapsyryldy.
Gýmanıtarlyq kómekti jetkizý boıynsha barlyq jumysty D.Reınoso men joba úılestirýshisi Qymbat Jaqypova basqardy.
2022 jyldyń 21 aqpanynda «DimashAli» shyǵarmashylyq ortalyǵynyń jetekshisi Qanat Aıtbaev, Qymbat Jaqypova jáne «DimashNews» redaktorlary UǴOO-ǵa jetkizilgen júkti tekserý úshin kelip, ortalyq qyzmetkerlerimen sóılesti.
Kezdesý barysynda UǴOO Basqarma tóraǵasynyń birinshi orynbasary Qanat Satybaev Project C.U.R.E. jobasy sheńberinde jetkizilgen medısınalyq jabdyqtar men materıaldar emdeý prosesine belsendi túrde engizilgenin aıtty. Tósek-oryndar palatalarda ornatylyp, medısınalyq materıaldar qoldanylýda.
Onyń aıtýynsha koronavırýstyq ınfeksııamen aýyratyn onkogematologııalyq naýqastarǵa arnalǵan mamandandyrylǵan bólimshede jumys isteý barysynda jeke qorǵanys quraldary erekshe ról atqardy. Onkologııalyq naýqastardyń ımmýnıtetteriniń tómen bolýyna baılanysty olardy jalpy stasıonarlarǵa jatqyzý óte qaýipti. Osyǵan oraı atalǵan arnaıy bólim UǴOO bazasynda ashyldy.
Búkil álemdi sharpyǵan pandemııaǵa baılanysty medısınalyq qural-jabdyqtar salynǵan qyryq fýt konteınerdi Qazaqstanǵa jetkizý bir jylǵa jýyq ýaqyt aldy.
«Ulttyq ǵylymı medısınalyq ortalyq» basshylyǵy D.Reınoso men Dımashqa qoldan kelgen kómegi úshin sheksiz alǵysyn bildirdi.
«Buǵan deıin aıtqanymdaı, naýqastardy COVID aýrýhanasyna jibermeı emdeý úshin bizdiń ortalyqtyń bazasynda onkologııalyq naýqastarǵa arnalǵan COVID bólimi ashyldy. Project C.U.R.E. jobasy kórsetken gýmanıtarlyq kómekti biz belsendi paıdalandyq. Qazir epıdemıologııalyq jaǵdaıdyń turaqtanýyna baılanysty COVID-19 bólimi jabylyp jatyr, biraq biz, árıne, pasıentterimizdiń ıgiligi úshin barlyq materıaldar men jabdyqtardy belsendi túrde paıdalanýdy jalǵastyramyz», - dedi Qanat Satybaev.