Búgin Saıası keńes Bıýrosynyń qaýlysymen AMANAT partııasynan Parlament Májilisi depýtatynyń bos mandatyn partııalyq tizim boıynsha Amanjol Áltaıǵa berý týraly sheshim qabyldandy, dep habarlaıdy Egemen.kz.
Tıisti sheshim Ortalyq saılaý komıssııasyna jiberildi.
«Amanjol Áltaıdy kópten beri tanımyn. Tek elge tanymal aıtysker aqyn ǵana emes, halyq múddesi úshin árkez salıqaly sóz túzip júrgen azamat retinde de jaqsy bilemin. Árqashan eldiń janynan tabylyp, qıyn kezde de partııamen birge bola bilgen, izin basyp kele jatqan jastarǵa isimen de, sózimen de úlgi bolyp júrgen tulǵa», dep jazdy AMANAT partııasynyń atqarýshy hatshysy Ashat Oralov áleýmettik jelide.