Týrıster Shymbulaq shatqalynda qar barysyn vıdeoǵa túsirip aldy, dep habarlaıdy Egemen.kz.
Áleýmettik jelide túnde Shymbulaqtan túsip kele jatqan jolda túsirilgen vıdeo paıda boldy. Vıdeoda mysyq tuqymdas jyrtqysh jyraǵa órmelep bara jatqany kórinedi. Týrıster qar barysyn baıqaǵanyn aıtqan.
Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń baspasóz qyzmeti Shymbulaq shatqalynda túsirilgen vıdeoǵa shynymen de, qar barysy túsirilgenin rastady.
«Barystyń bul aımaqta júrýi tuıaqty janýarlardyń (elik, sibir eshki jáne t.b.) qonys aýdarýymen tikeleı baılanysty bolýy múmkin. Týrısterdiń jyrtqyshty vıdeoǵa túsirýi sırek kezdesetin oqıǵa jáne sátti túsirilim», dedi komıtet ókilderi.