«Qazgıdromet» RMK-sy 5 naýryz kúngi kún raıy boljamyn jarııalady, dep habarlaıdy Egemen.kz.
Kásiporyn taratqan derekterge qaraǵanda, Kaspıı teńiziniń aýdandarynan kelgen sıklonnyń áserinen Qazaqstan aýmaǵynda kún raıy qubylmaly bolady, kóbine jaýyn-shashyn bolady.
Ońtústik Qazaqstan oblysynyń batysynda, soltústik-batysynda, taýly aýdandarynda keı ýaqytta nóser jaýyn jaýady. Elimizdiń ońtústiginde naızaǵaı oınap, keı jerlerde jel kúsheıip, kóktaıǵaq bolyp, tuman túsedi, soltústik-batys pen shyǵysta burqasyn bolady.
Túrkistan oblysynyń soltústiginde, batysynda, taýly jáne taý bókterli aýdandarynda jeldiń jyldamdyǵy sekýndyna 17-22 metrge jetedi. Kúndiz oblystyń soltústiginde jáne taýly aýdandarda jeldiń ekpini 23-28 metrge jetedi, taýly asýlarynda 30 m/s jáne odan joǵary bolýy yqtımal.
Jambyl oblysynyń soltústiginde, taýly aýdandarynda – tuman túsip, kúndiz oblystyń ońtústik-batysynda, taýly aýdandarynda – naızaǵaı oınaıdy, kúndiz jeldiń jyldamdyǵy sekýndyna 15-20 metrge jetedi. Oblystyń ońtústik-batysynda jeldiń ekpini sekýndyna 23-28 metrge, keı ýaqytta 30 m/s-qa jetedi jáne odan joǵarý bolýy yqtımal.
Atyraý, Mańǵystaý oblystarynda jeldiń jyldamdyǵy sekýndyna 15-20 metrge jetedi, oblystardyń batysynda, shyǵysynda jáne ortalyǵynda ekpini 23-28 m/s bolady, túnde Mańǵystaý oblysynda keı ýaqytta jeldiń ekpini 30 m/s jáne odan joǵary bolýy múmkin.
Qyzylorda oblysynyń ortalyǵynda jeldiń jyldamdyǵy sekýndyna 15-20 metrge, kúndiz ekpini 25 m/s jetýi yqtımal. Batys Qazaqstan oblysynyń shyǵysynda, soltústiginde – tuman túsip, kóktaıǵaq bolady, oblystyń soltústiginde, batysynda, ońtústiginde jeldiń jyldamdyǵy sekýndyna 15-20, ekpini 23-28 metrge deıin jetedi.
Aqtóbe oblysynyń soltústik-shyǵysynda, ortalyǵynda – kóktaıǵaq bolady, kúndiz oblystyń soltústiginde – jaıaý burqasyn soǵyp, jeldiń kúshi sekýndyna 15-20 metrge jetedi, kúndiz oblystyń ońtústiginde jel 25 m/s kúsheıýi múmkin. Qostanaı oblysynyń batysy men ortalyǵynda – kóktaıǵaq bolyp, tuman túsedi, oblystyń shyǵysynda, ońtústiginde - jaıaý burqasyn soǵyp, oblystyń ońtústiginde jeldiń kúshi 15-20 m/s, kúndiz oblystyń basym bóliginde ekpini 15-20 m/s-ge jetedi.
Soltústik Qazaqstan oblysynyń ońtústik-batysynda, batysynda, soltústiginde jaıaý burqasyn soǵyp, kóktaıǵaq bolady, túnde jáne tańerteń oblystyń ońtústiginde – tuman túsip, kúndiz jeldiń kúshi 15-20, oblystyń ońtústik-batysynda ekpini 25 m/s kúsheıýi kútiledi.
Pavlodar oblysynyń ońtústik-batysynda – tuman túsip, kúndiz oblystyń batysynda – kóktaıǵaq bolyp, jel 15-20 m/s kúsheıýi kútiledi. Qaraǵandy oblysynyń soltústiginde, shyǵysynda, ortalyǵynda – tuman túsip, kóktaıǵaq bolady, oblystyń batysynda, ortalyǵynda jeldiń kúshi 15-20, ekpini 23-28 m/s, keı ýaqytta 30 m/s jáne odan joǵary bolýy kútiledi.
Shyǵys Qazaqstan oblysynyń soltústik, ortalyq bóliginde – tuman túsip, kóktaıǵaq bolady, túnde oblys ortalyǵynda - jaıaý burqasyn bolyp, oblys ortalyǵynda – jeldiń jyldamdyǵy seýkndyna 15-20, kúndiz ekpini 23 m/s jetedi.