Búgingi tańda qazaqstandyq dıplomattar 731 QR azamatyna Ýkraınadan shyǵýǵa qolǵabys kórsetti. Onyń ishinde 662 adam Polshaǵa, qalǵandary Moldova, Rýmynııa, Majarstan men Slovakııaǵa shyǵyp ketti, dep habarlaıdy Egemen.kz.
QR Syrtqy ister mınıstrliginiń baspasóz qyzmetiniń málimetinshe, bıylǵy jyldyń 9 naýryzynda Nur-Sultan ýaqyty boıynsha saǵat 16:02-de Atyraý qalasynan Katovıse qalasyna (Polsha) 4-shi evakýasııalyq ushaq ushyp shyqty.
Buǵan deıin úsh repatrıasııalyq reıspen Qazaqstanǵa 432 QR azamaty jetkizildi.
Qazirgi ýaqytta Katovıse qalasynda 165 qazaqstandyq bar. Ýkraına-Polsha shekarasyn kesip ótý kezeginde QR azamattary joq. Lvovtaǵy QR Qurmetti konsýldyqtyń janyndaǵy evakýasııalyq jınaý ornynda 11 adam jınaldy, al Harkovta 7 otandasymyz qalyp otyr.
Ýkraınadaǵy QR Elshiliginiń aqparatyna sáıkes, Marıýpol qalasyndaǵy QR azamattarynyń jalpy sany 18 adamdy quraıdy. Elektr energııasy men telefon júıeleriniń úzilýine baılanysty búgingi tańda olarmen baılanys ornatý múmkinshilik joq. Sýmy qalasynda 2 Qazaqstan azamaty bar, olarmen turaqty baılanystamyz. Atalǵan azamattar gýmanıtarlyq dálizder arqyly evakýasııalanady dep kútilýde, atalǵan dálizderdiń ashylýy Reseı men Ýkraına taraptarymen talqylanýda.
Kıev qalasyndaǵy jaǵdaıdyń ushyǵýyna baılanysty qazaqstandyq dıplomattar Lvov qalasyna ýaqytsha kóshirildi jáne olar QR azamattaryna kómek kórsetý jumystaryn shtattyq rejımde jalǵastyrýda.
«QR dıplomattarynyń kómegimen 57 qazaqstandyq aýyr júk kóliginiń 44-i Ýkraına aýmaǵynan shyqty, al qalǵan 13 avtokóliktiń júrgizýshilerine jan-jaqty kómek kórsetilýde», delingen habarlamada.